Aksidenti tragjik në Vlorë, si pasojë e të cilit u shua një familje me 4 anëtarë, prindërit dhe dy vajzat e mitura, i ka shokuar të gjithë.
Këngëtarja Aurela Gaçe, ka reaguar në Facebook në lidhje me këtë ngjarje tronditëse dhe thotë se e ka kapur ankthi të dalë në autostradë me fëmijët dhe se e zë tmerri në çdo kthesë a semafor.
“Shpejtesia e pilotëve-adoleshentë-të rinj -koka erë ,eshtë vrasje me dashje. E dhimbshme ,e frikshme. Te jesh ne rrugën tënde e te te marrin jetën “qejflinjtë” e shpejtësisë, është krim. Mua më kap ankthi te dal ne autostrade me femijet. Me ze tmerri ne çdo kthese a semafor. Pikerisht sepse asnjehere si dihet se me çfare “te dehuri nga euforia e jetës” mund të përballesh. U prehshin në paqe 4 engjëjt, ngushëllimet e mija prej nëne dalin bashke me lotët”, shkruan Gaçe.
