Vijojnë operacionet e policisë në luftën kundër kanabisit i cili është përhapur në të gjithë territorin. Gjatë operacionit “Apple”, policia e Shkodrës ka zbuluar një vend të ri magazinimi të lëndës narkotike, këtë radhë në fshatin Mollë.
Si rezultat i këtij operacioni u zbuluan 3 ambiente të improvizuara si ambiente për tharje, ku u arrit që të sekuestrohen në total 77 kg lëndë e dyshuar narkotike kanabis, e cila ishte e vendosur nëpër thasë dhe bidona plastikë si dhe 70 bimë të dyshuara narkotike kanabis në proçes tharje, të cilat u asgjesuan në vend me anë të djegies
Blutë e Shkodrës deklaruan se po vazhdon hetimet për identifikimin dhe kapjen e autorëve të implikuar në këtë veprimtarinë kriminale.
Materialet proceduriale iu referuan Prokurorisë së Rrethit Gjyqësor Shkodër për veprat penale “Kultivimi i bimëve narkotike” dhe “Prodhimi dhe shitja e narkotikëve”, parashikuara nga nenet 284 e 283 të Kodit Penal.
