Partizani gjendet në Ohër ku po zhvillon përgatitjet për ndeshjet e Conference League. Të kuqtë po marrin ngarkesën e duhur nën urdhrat e trajnerit Ilir Daja.
Sakaq me ekipin është bashkuar edhe Ferhan Hasani i cili ishte i impenjuar në ndeshjet e Maqedonisë së Veriut në eliminatoret e EURO 2020-tës.
Sot të kuqtë do të zhvillojnë një test miqësor kundër Strugës, takim që është planifikuar të luhet në orën 17:30.
“Skuadra vijon me ritme të larta përgatitjet në Ohër. Me grupin është bashkuar edhe Ferhan Hasani pas impenjimit me përfaqësuesen e Maqedonisë së Veriut në Euro 2020. Sot ekipi do të zhvillojë ndeshjen e dytë miqësore ndaj Strugës në orën 17:30”, shkruhej në njoftimin për mediet.
