Inkursioni me 28 avionë luftarakë kinezë përfshirë avionët luftarakë dhe bombarduesit nuk shkeli hapësirën ajrore sovrane të Tajvanit ose ligjin ndërkombëtar, por u pa si shfaqje e forcës nga Ushtria Çlirimtare e Popullit e Kinës.
“Si vendimmarrës të Tajvanit, ne nuk mund të rrezikojmë, duhet të jemi të përgatitur. Kur qeveria kineze thotë se ata nuk do të heqin dorë nga përdorimi i forcës dhe kryejnë stërvitje ushtarake rreth Tajvanit, ne më mirë të besojmë se kjo është e vërtetë”.
Wu, i cili ka shërbyer si ministër i punëve të Jashtme që nga viti 2018, u akuzua nga Pekini në maj si një “separatist i fortë” pas vërejtjeve që ai bëri gjatë një konference shtypi, se Tajvani do të luftonte “deri në ditën e fundit” nëse sulmohej nga Kina.
“Ndalimi i ‘pavarësisë së Tajvanit’ është kushti i domosdoshëm për mbajtjen e marrëdhënieve paqësore”, tha Zhu Fenglian, një zëdhënës i Zyrës së Punëve të Tajvanit të Kinës.
“Joseph Wu ka provokuar në mënyrë të përsëritur dhe me arrogancë ‘pavarësinë e Tajvanit’ … ne do të marrim të gjitha masat e nevojshme për të ndëshkuar ashpër” pavarësinë e Tajvanit”.
Në përgjigje, Wu i tha CNN se ai është “i nderuar” të vihet në shënjestër nga autoritetet komuniste në Pekin. “Autoritarizmi nuk mund ta tolerojë të vërtetën. Nëse ata vazhdojnë të thonë se duan të më ndjekin për pjesën tjetër të jetës sime, unë nuk shqetësohem vërtet për këtë,” tha ai.
Tajvani dhe Kina janë qeverisur veçmas që nga fundi i një lufte civile më shumë se shtatë dekada më parë, në të cilën Nacionalistët e mundur u arratisën në Taipei.
Pekini vazhdon ta shikojë Tajvanin si një pjesë të pandashme të territorit të tij edhe pse Partia Komuniste Kineze nuk ka qeverisur kurrë ishullin demokratik me rreth 24 milionë njerëz.
Në vitin 2019, Presidenti kinez Xi Jinping i bëri thirrje Tajvanit të përqafojë “ribashkimin paqësor” me Kinën kontinentale, por refuzoi të përjashtonte përdorimin e forcës. Kërcënimi ushtarak, veçanërisht në lidhje me ato që Partia Komuniste i referohet si aktivitete “separatiste” mbetet një kërcënim i vazhdueshëm për Tajvanin.
