Kuvendi do të mblidhet ditën e sotme për të shqyrtuar për gjashtë projektligje, një dekret të Presidentit dhe për të dëgjuar katër raportime të institucioneve shtetërore për veprimtarinë vjetore të 2020.
Si fillim do të jenë KLSH, ILD, AMA dhe KQZ, drejtuesit e të cilëve do të prezantojnë para deputetëve raportin vjetor dhe do u përgjigjen pyetjeve të ligjvënësve.
Ndërkohë në rendin e ditës ndodhet dhe një dekret i Metës për kthim ligji për sektorin minerar. Këto janë seancat e fundit të parlamentit i cili në shtator do të jetë me një fytyrë të re pasi do të hyjnë deputetët e zgjedhur të 25 prillit që dje u certifikuan nga KQZ.
