Një plagosje me armë zjarri ka ndodhur këtë mëngjes në Tropojë, ku Izet Ahmati ka qëlluar me armë zjarri Bardhyl Kolbiban. Ky i fundit ndodhet në spital, ndërsa autori i të shtënave është vënë në pranga.
Ngjarja dyshohet se ndodhi pas një konflikti për motive të dobëta. Blutë sqaruan se para të shtënave, i plagosuri kërcënoi me thikë autorin.
Ngjarja
Policia njoftoi se rreth orës 07:10 në fshatin Luzhe, si pasojë e një konflikti të çastit për motive të dobëta, Izet Ahmati, 46 vjeç, ka plagosur me armë zjarri shtetasin Bardhyl Kolbiba, 39 vjeç, banues në Luzhë, i cili është transportuar për mjekim në spitalin e Tropojës dhe ndodhet jashtë rrezikut për jetën.
Në vendngjarje janë nisur shërbimet e Policisë, të cilat të mundur kapjen dhe prangosjen e autorit, i cili ishte fshehur në një banesë të braktisur në periferi të fshatit.
Shërbimet e Policisë kanë bërë të mundur gjetjen dhe sekuestrimin e armës së krimit, kallashnikov me një krehër me municion luftarak.
Gjithashtu, në cilësinë e provës materiale është sekuestruar edhe një armë e ftohtë thikë me të cilën dyshohet se në momentin e konfliktit të çastit, i dëmtuari ka kanosur me thikë autorin dhe më pas konflikti është përshkallëzuar në përdorimin e armës nga 46-vjeçari.
Grupi hetimor, nën drejtimin e Prokurorisë së Rrethit Gjyqësor Tropojë, vijon punën për zbardhjen dhe dokumentimin e plotë të rrethanave të ngjarjes, shtuan të njëjtat burime.
