Skënderbeu ka humbur një prej lojtarëve titullarë. Mesfushorin Shqiprim Taipi nuk do të jetë pjesë e korçarëve sezonin e ardhshëm dhe vetë futbollisti e ka konfirmuar diçka të tillë.
“Përshëndetje që nga sot nuk do jem pjesë e KF Skënderbeut. I falënderoj gjithë bashkëlojtarët, presidentin, qytetin e Korçës dhe tifozët qe gjatë këtyre dy viteve e gjysme ka qenë shtëpia ime e dytë.
I dëshiroj suksese ekipit te KF Skënderbeu. Me respekt Shqiprim Taipi”, shkruan Taipi në rrjetet sociale, ndërkohë që mbetet të mësohet ku do ta vijojë karrierën.
Taipi numëron më shumë se 60 ndeshje në Superiore me Skënderbeun, ndërkohë që ka luajtur edhe me Prishtinën në Kosovë, si dhe me Shkëndijën e Shkupin në Maqedoninë e Veriut.
