Çifti kryeministror, Sali dhe Liri Berisha, u ka bërë dhurata luksoze zyrtarëve të lartë të Shteteve të Bashkuara të Amerikës nga viti 2005 deri në vitin 2013, të cilat siç rezulton në portalin zyrtar të Departamentit Amerikan të Shtetit, janë pranuar të gjitha me argumentin se “Mospranimi do të vinte në vështirësi jo vetëm dhuruesin por edhe qeverinë e SHBA¬ve”.
Në 31 Tetor të vitit 2012, kur Berisha ishte kryeministër i Shqipërisë, i ka dhuruar Sekretares së Shtetit Amerikan Hillari Klinton një kuti argjendi me punim ornamental të quajtur filigran me vlerë 400 dollarë.
Në 2 Prill 2012, Gjeneral Major Xhemal Gjunkshi, i ka dërguar Gjeneralit amerikan Martin E. Dempsey, një shpatë e përbërje druri me vlerë 460 usd.
Në 30 janar 2012, Kryebashkiaku i Tiranës Lulzim Basha i ka dhuruar ambasadores Victoria Nuland një varëse argjendi me vlerë 390 dollarë.
Në 19 Nëntor 2012, Presidenti i Republikës Bujar Nishani i ka dhuruar Sekretares së Shtetit Amerikan Hillari Klinton një mbajtëse për bizhuteritë prej filigrani, shkruan “Panorama”.
Në vitin 2010, Ministri i Punëve të Jashtme Edmond Haxhinasto i ka dhuruar Sekretares së Shtetit Hillari Klinton një pikturë fetare.
Në vitin 2008, kryeministri Sali Berisha i ka dhuruar Presidentit një vazo argjendi e punuar me filigran.
