Dy persona janë arrestuar nga policia e Fierit pasi akuzohet për veprën penale “ndihma për kalim të paligjshëm të kufijve” kryer në bashkëpunim.
B.K., 53 vjeç, dhe R.J., 53 vjeç, të dy banues në Durrës, u vunë në pranga.
Burime zyrtare policore bënë me dije këtë të Mërkurë se aksioni për ndalimin e tyre i koduar “taksisti” erdhi “pas informacioneve të marra në rrugë policore se një automjet furgon tip ‘Benz’ po transportonte klandestinë drejt Tiranës”.
Këta shtetas janë kapur në kushtet e flagrancës nga shërbimet e Policisë Rrugore, në vendin e quajtur “Rotondo e Kolonjës”, duke transportuar me automjetin tip “Benz”, 5 emigrantë të paligjshëm (sirianë), të cilëve iu kishin premtuar kalimin drejt vendeve të BE-së, kundrejt pagesës, saktësuan të njëjtat burime.
