Tasim Mehmeti, President i Vetëshpallur i Republikës së Çamërisë, ka qenë i ftuar në studion e Fax News, përballë moderatorit Rezart Xhaxhiu, për të folur për vrasjen e paraardhësit së tij, Festim Lato.
Sipas Mehmetit, Festim Laton e ka ekzekutuar mafia e ekstremit të majtë europian, ballkanik dhe shqiptar. Ai tha më tej se deri sat ë ketë frymë do të luftojë për të gjetur vrasësit.
“Shteti shqiptar kaq mundësi ka. Përgjegjësinë më të madhe e kanë drejtuesit që kanë drejtuar shoqerinë çame. Përgjegjësinë më të madhe e ka kryetari Shpëtim Idrizi. Me vdekjen e Festim Lakos nuk reagoi as e majta dhe as e djathta. Disa media të shitura në Shqipëri hodhën baltë mbi FestimLakon. Ai është vrarë. Qëllimi është të gjej autorët e vrasjes derisa të kem frymë. Mesa informacion kam unë, ai është vrarë nga mafia e ekstremit të majtë europian, ballkanik dhe shqiptar. Vranë Festimin doli një Festim tjetër. Do më vrasin mua, del një tjetër. Festimi është hero i Çamërisë”, u shpreh Mehmeti.
Duke folur për kandidimin e tij në koalicionin Kujtim Gjuzit për zgjehjet parlamentare të 25 prillit, konkretisht në qarkun e Korçës, ai u shpreh se votat i kanë vjedhur dhe se kërkesa e tij për transparencë nuk u mor parasysh pasi Kujtim Gjuzi nuk pranoi të firmoste.
“Ne nuk duam destabilizim në rajon. Jam takuar një ditë me ambasadoren amerikane. Ja kam thënë çështjen çame. Ajo më dëgjoi me vëmendje. Unë kandidova, por mora vetëm një votë. Nuk i vodhën por i përpunuan këto ustallarët. Unë kërkoj vetëm transparence në lidhje me votat e shpallura të pavlefshme. E firmosi kryetari Kostaq Papo, por nuk e firmosi Kujtim Gjuzi, prandaj kërkesa nuk u mor parasysh”, theksoi ai.
Mehmeti bëri dhe një paralajmërim. Ai tha se së shpejti në Ballkan do të krijohen 7 shtete shqiptare.
“Me kushtetutë, me flamur. Ky është flamuri i Çamërisë. Ai ka një mesazh brenda që thotë se Epiri i jugut me dy kokat tona që janë Kosova dhe Shqipëria. Së shpejti do të kemi 7 shtete. Ato yje tregojnë shtetet shqiptare. Koha punon për shqiptarët. Na ka dhënë entuziasëm Kosova. Shqiptarët janë në kufij me shqiptarët. Ne do këmbëngulim gjithmonë”, përfundoi ai.
