Skënder Brataj: Në korrik do të zgjatet ora policore

Edhe pse në vendin tonë situata e pandemisë së Covid është mjaft e mirë, pasi numri i të infektuarve dhe viktimave ka rënë në fuqi mbeten ende disa masa kufizuese.

Shefi i Urgjencës Kombëtare, Skënder Brataj gjatë një emisioni televiziv foli për situatën e deritanishme të virusit në vendin tonë dhe masat kufizuese. Brataj tha se ora policore do të zgjatet me një orë në muajin korrik, pra nga ora 23:00 do të bëhet deri në orën 24:00.

“Do të shtohet një orë në korrik. Do të rritet kapaciteti i stadiumeve, kinemave, deri në 30% të kapacitetit të tyre. Muzika vijon të jetë e mbyllur, ç’keni me të?”,- thotë ai.