KLP vendosi me votë unanime pezullimin nga detyra të prokurorit Sali Hasa, prokuror në Prokurorinë pranë Gjykatës të Rrethit Gjyqësor Sarandë. Ky i fundit u arrestua pas masës së sigurisë “arrest me burg” dhënë më 17 Qershor nga Gjykata e Shkallës së Parë kundër Korrupsionit dhe Krimit të Organizuar.
Prokurori Sali Hasa akuzohet për korrupsion.
“Pezullimi nga KLP zgjat deri në rënien e shkakut për të cilin është vendosur ky pezullim, ndërsa kundër këtij vendimi mund të bëhet ankimim në Gjykatën Administrative të Apelit”, sqaruan burime zyrtare pranë Këshillit të Lartë të Prokurorisë (KLP).
Lexo edhe:
Detajet e dosjes hetimore/ Rasti i korrupsionit që çoi pas hekurave prokurorin e Sarandës
