Administrata Shtetërore Oqeanike e Kinës njoftoi se ndërtimi tërësisht nga Kina i akullthyeses së parë për kërkime polare do të nisë përpara përfundimit të muajit.
Anija akullthyese do të ketë një zhvendosje të plotë prej 13 mijë tonësh, 20 mijë milje nautike si dhe është projektuar të udhëtojë për 60 ditë me ekuipazh të plotë, pa qenë e nevojshme për rifurnizim me karburant.
Anija do të pajiset gjithashtu me teknologjinë më të fundit dhe pajisje kërkimi. Ndërtimi i saj nga grupi “Jiangnan Shipyard” do të zgjasë për rreth dy vjet.
Anija kineze për kërkime “Xuelong2, “Dragoi i Dëborës”, që aktualisht po kryen ekspeditën e saj të 33-të në Antarktik, është e vetmja akullthyese kineze për momentin. “Xuelong” u ndërtua nga një kompani ukrainase në vitin 1993.
