Nga BoldNews.al
Lali Eri, pasi ka sistemuar veten për disa breza, po “mendon” edhe për vartësit. “Shefi i vogël” ka dorë të lirë për të vepruar në territorin e kryeqytetit, teksa gjithkush mund të shikojë “ndryshimet” (për keq). Pluhur, kaos, trafik, beton, zaptim i hapësirave publike etj.
Ky është impakti i parë në Tiranë. Nëse dikush nuk ka qenë në Kryeqytet këto 10 vitet e fundit, nuk do ta njohë më. Pallate vend e pavend, stacione autobusësh që ndryshojnë çdo 6 muaj. Gjoba për parkime.
Bashkia e Tiranës ka një drejtori që quhet Tirana Parking. Në varësi direkte të Lali Erit, por që është shndërruar në një makineri gjobëvenie. Drejtohet nga Eglantina Zëre. Por, a ka benefite kjo drejtoreshë?!
Zonja Zëre drejton prej disa vitesh Tirana Parking. Ka në administrim parkimet e bëra rishtazi, mbi dhe nëntokë. Madje, edhe stacionet e autobusëve; të juglindjes, veriut, jugut. Ky i fundit ka ndryshuar disa herë dhe aktualisht ndodhet te Kthesa e Kamzës.
Në redaksinë e BoldNews ka mbërritur një informacion se familjarët e zonjës Zëre kanë një biznes brenda ambienteve të Terminalit të Autobusëve të Jugut. Në konflikt të hapur interesi, a i ka dhënë zonja Zëre leje vjehrrit dhe kunatit që të ngrenë një kioskë brenda terminalit? Sipas burimeve të BoldNews, po!
Megjithatë, po e pyesim zyrtarisht zonjën Zëre, duke qenë se drejton Tirana Parking; kush është pronari i kësaj kioske? A punon kunati jot (vëllai i burrit) në këtë biznes? Kush e ka me letra këtë biznes? A ka influencuar bashkëshorti juaj, punonjës i UKT Tirana, në këtë vendimmarrje?
