Ousmane Dembelé i jep lamtumirën Evropianit. Sipas AFP, sulmuesi i Francës nuk do të mund të luajë deri në fund të kompeticionit, për shkak të dëmtimit në gju që pësoi në ndeshjen ndaj Hungarisë.
Edhe pse ndaj Portugalisë nuk pritej ta niste ndeshjen si titullar, Dembele është element i rëndësishëm për Francën kur hyn në lojë nga stoli.
Kështu, Dembele mbyll një sezon të mbushur me dëmtime, që nuk e lanë të luante shumë minuta edhe me Barcelonën.
Sulmuesi nisi të aktivizohej disa muaj pasi kishte nisur sezoni dhe kur dukej se po fitonte formën optimale, u dëmtua sërish.
