Teksa Italia me gjumë gjasa do të përballet me Ukrainën në fazën tjetër të Europianit, për Gjermaninë, është disi më e vështirë për të përcaktuar kundërshtarin më të mundshëm.
Ka disa opsione, në varësi të renditjes finale në grupe si dhe pozicionimit të ekipeve në grupet e tjera.
Nëse del kokë grupi, Gjermania do të ndeshej me një nga të tretët në grupet A, B ose C në raundin e 16-ave më 28 qershor në Bukuresht. Në këtë rast do të ketë përballë kundërshtarë të lehtë në letër si Zvicra, Finlanda, Rusia, apo Austria (nuk përjashtohet as Ukraina nëse humbet ndaj Austrisë në ndeshjen e sotme).
Nëse del e dyta në grup, gjermanët do të përballen më 29 qershor në Wembley me fituesin e grupit D, që pritet të vendoset mes Anglisë dhe Çekisë.
Nëse përfundon e treta në grup (skenar që ka shumë pak gjasa të ndodhë duke qenë se ndeshjen e fundit në grup e luan me Hungarinë dhe parashikohet një fitore e Gjermanisë) përballet më 27 qershor në Sevilje me fituesin e grupit B (me shumë gjasë Belgjika) ose në Budapest me fituesin e grupit C (që pritet të jetë Holanda).
