Një emigrant nga Algjeria ka thyer derën e një shtëpie në Tiranë për ta grabitur dhe ka filmuar të gjithë procesin. Pamjet e publikuara nga JOQ, tregojnë se si emigranti thyen derën futet në shtëpi dhe nis kontrollet për të kryer vjedhjen.
Fillimisht ai hap çantën dhe më pas nis kontrollet në të gjitha bufetë e dollapet në shtëpi. Sipas JOQ, algjeriani është i njëjti person që pak ditë më parë është regjistruar duke ngacmuar qytetarët në rrugë dhe kryesisht gratë, të cilave iu afrohej duke iu folur apo duke bërë veprime të tjera të çuditshme.
Me një kërkim të thjeshtë në rrjetet sociale mund ta zbuloni se bëhet fjalë për shtetasin Hamza Marina që jeton në Tiranë dhe që çdo ditë poston foto e video me njerëzit që takon në rrugë dhe jo vetëm.
Algjeriani Hamza në profilin e tij në Instagram publikon foto dhe video nga më të çuditshmet dhe aspak normale. Në profilin e tij mund të gjeni foto dhe video ku Hamza mban armë, konsumon lëndë narkotike madje ka edhe video ku hap dyert e banesave me forcë. Ende nuk dihet se me çfarë pune merret saktësisht ky shtetas në Shqipëri, por shpresojmë që policia të reagojë para se të jetë tepër vonë. Kujtojmë se edhe më parë kemi denoncuar raste të shtetasve të huaj që vijnë në Shqipëri si emigrantë, por që janë kthyer në rrezik e problem për qytetarët.
