Me fitoren ndaj Uellsit, Italia hipotekoi vendin e parë në grupin A, në “Euro 2020”.
Azurët pritet të luajnë në sfidën e ardhshme me vendin e dytë të Grupit C, sfidë kjo që do të luhet më 26 qershor në “Wembly”.
Me gjasë, kundërshtari i radhës i italianëve do të jetë njëra mes Austrisë dhe Ukrainës (me më shumë gjasa Ukraina), meqenëse Holanda aktualisht është në krye të Grupit C dhe pritet ta mbyllë në këtë pozitë.
Nga krahu tjetër, Uellsi, që përfundoi e dyta në Grupin A, do të përballet me vendin e dytë të Grupit B dhe kundërshtari më i mundshëm është Rusia ose Finlanda.
Italianët përfunduan me pikë të plota ndeshjet e grupeve, duke shënuar 7 gola e duke mos pësuar as një gol të vetëm.
