Një sherr masiv mes disa të rinjve ka ndodhur ditën e djeshme në Lezhë. Report Tv ka publikuar videon e sherrit ku shihen të rinjtë duke u zënë me grushta e me shkopinj hekuri. Sherri sipas policisë ka nisur fillimisht mes 2 vëllezërve nga Kosova me 2 vëllezër nga Shëngjini, por janë përfshirë dhe të rinj të tjerë.
Policia njoftoi sot procedimin e katër personave.
“Specialistët për Krimet në Komisariatin e Policisë Lezhë proceduan penalisht për veprën penale ‘Dëmtime të tjera me dashje’ ,kryer në bashkëpunim, shtetasit: Ç.Z.,23 vjeç, Q.Z., 21 vjeç (vëllezër), banues në Kosovë, A.J., 24 vjeç dhe A.J., 24 vjeç ( vëllezër ), banues në Shëngjin. Këta shtetas, ditën e djeshme, pas një konflikti për motive të dobëta, kanë goditur njëri-tjetrin me grushte dhe sende të forta ,ku si pasojë kanë marrë dëmtime të lehta të katërt dhe janë dërguar në spitalin Rajonal Lezhë, për mjekim”, njoftoi policia.
https://www.youtube.com/watch?v=eBpuTPVtjFk&t=14s
