Policia ka arrestuar një nga autorët e dyshuar të cilët po transportin lëndë narkotike drejtë Maqedonisë. Ngjarja ndodhi dy ditë më parë dhe gjatë operacionit “Piramida” në kufi me Maqedoninë, policia sekuestroi 122 kg kanabis.
Në pranga ka rënë Sulejman Islami, 42 vjeç, banues në Maqellarë. Sipas bluve të Dibrës, “kapja dhe ndalimi i tij u bë në bazë të urdhërit të lëshuar nga Prokuroria e Krimeve të Rënda Tiranë si një nga autorët e dyshuar të implikuar në transportin e 122 kg lënde narkotike”.
Specialistët e Sektorit për Hetimin e Narkotikëve në D.V.P.Dibër, po punojnë për dokumentimin e plotë ligjor të kësaj ngjarje, ku priten arrestime të personit që është organizator dhe personave të tjerë të implikuar në këtë ngjarje.
Në përfundim të veprimeve hetimore, materialet shtesë në ngarkim të shtetasit të lartëpërmendur i kaluan Prokurorisë.
