Zvicra mposhti me rezultatin 3-1 Turqinë, në ndeshjen e fundit në kuadër të fazës së grupeve.
Golin e dytë dhe të tretë për Zvicrën i realizoi ylli shqiptar, Xherdan Shaqiri.
Në fakt Shaqiri shënoi një supergol (golin e dytë të Zvicrës) nga distanca duke lënë të shtangur portierin.
Ky gol është shumë i rëndësishëm për Shaqirin, pasi është bërë lojtari i parë në histori të Zvicrës që shënon gol në katër turne radhazi.
Shaqiri ka realizuar gol në Kupën e Botës (2014, 2018) dhe Evropianin (2016, 2020).
