Ndeshjet e fundit të Grupeve në Kampionatin Europian do të jenë shumë emocionuese për të vendosur skuadrat që do të kualifikohen madje mund të bëhen edhe llogari për çiftet e fazes së 1/8-ve.
Po të mendosh që vetëm Holanda dhe Belgjika e kanë siguruar kalimin më tej si të parat në Grupe është e vështirë që të parashikosh ekzaktësisht çiftet por kombinimet e mundshme lënë të kuptosh që Holanda dhe Portugalia rrezikojnë përballje të mëdha në 1/8.
Në Grupin A, Italia e mbylli e para dhe më tej mund të luajë me Ukrainën që do të vinte si e dyta e Grupit C ose edhe Austria. Gjithsesi provë e kalueshme në letër por më pas në çerekfinale e sigurtë një përballje shumë e forte si ajo me Belgjikën, gjithmonë nëse këta vijojnë të fitojnë në 1/8.
Në Grupin B, Belgjika si e para e konfirmuar do të luajë shanset me të tretën më të mirë nga 3 grupe dhe ketu rrezikohet shumë pasi mund të jenë si Spanja apo Portugalia ashtu edhe Kroacia me Zvicrën.
Në Grupin C, Holanda që ka siguruar kalimin në 1/8 si e para do të presë sërish një të trete nga grupet dhe sërish mund të jenë Spanja, Portugalia dhe Kroacia.
Në Grupin D, ka paqartësi pasi ende nuk është vendosur ekipi i kualifikuar pasi Cekia, Anglia, Skocia dhe Kroacia janë në lojë e në rast barazimi të Anglisë, do të dilte e dyta në Grup dhe të luante me të dytën e Grupit E, momentalisht Sllovakia. Nëse Anglia do të dilte e para në Grup, atëherë do ta priste një duel i zjarrtë në 1/8 me të dytën e Grupit F që aktualisht është Gjermania.
Në Grupin E, Suedia aktualisht në krye do të kishte një përballje të lehtë në letër gjithmonë nëse del si e para, pasi e presin të tretat nga grupet A, B, C dhe D, që teorikisht do të ishin Zvicra, Finlanda, Austria e Kroacia.
Në Grupin F, Franca si e para nëse do të dilte do të luajë përballë të tretës nga tre grupe, A, B dhe C që momentalisht janë Zvicër, Finlandë e Austri, praktikisht ndeshje të kalueshme.
Situata është tepër e komplikuar dhe ende e paqartë pasi e përsërisim janë vetëm 2 ekipe që kanë siguruar vendet e para në grupe dhe ka ende një luftë të madhe në të gjitha grupet për vendet e treta ku 4 ekipe të treta do të vijojnë të ecin më tej në Europian.
