Budapesti është kthyer në “ferrin” e Francës! Përveç temperaturave të larta që e detyroi arbitrin kryesor të ndërpriste ndeshjen për një pushim freskues disa-minutash, goli i Hungarisë ka shokuar francezët!
Deri në minutën e 45-të, loja po shkonte në favorin e gjelave. Franca dominoi, por nuk mundi të shënojë, edhe pse rastet për gol nuk munguan. Hungaria nga ana tjetër luajti një futboll mbrojtjes, duke mos arritur të shfytyrojë kundërsulmet e të rrezikojë portën e mbrojtur nga Lloris.
Kthesa megjithatë erdhi në minutën e dytë shtesë nga pesë të tilla, që u akorduan në pjesën e parë. Pas një kundërsulmi të hungarezëve, Fiola, i gjetur përballë me portierin kundërshtar, nuk gaboi!
Kështu, me rezultatin 1-0 në favor të hungarezëve u mbyllën 45 minutat e para të takimit që luhet në “Puskas Arena“.
Ndeshja LIVE
Formacionet zyrtare Hungari-Francë, ja si ta ndiqni takimin “LIVE”