Edhe Shërbimi informativ Shtetëror përfshihet në kërkimet për të ashtuquajturin Eskobari i Ballkanit. Prej 2 ditësh SHISH ka kaluar në shërbim të përforcuar sidomos në kryqytet ku dyshohet se fshihet Klement Balili.
“Vizion Plus” ka mësuar se SHISH po mban në mbikqyrje të plotë familjarët edhe po kështu edhe miqtë e tij më të ngushtë. SHISH ende nuk ka mundur të zbulojë vendndodhjen e trafikantit të drogës. Më herët hetimet nga shteti fqinjë, thanë se Balili mund të ketë ndryshaur emër, por nuk përjashtohet as mundësia që të ketë ndryshuar pamjen e jashtme.
Në të njëjtën kohë edhe SHKB, ka nisur hetimet për dekonspirim në të paktën 3 operacione për kapjen e tij. Tre janë efektivët të cilët janë pezulluar nga puna deri në përfundim të hetimeve, ndërsa shërbimi i kontrollit të brendshëm mbetet i rezervuar në dhënien e informacioneve për këtë çështje. 44 -vjeçari Klement Balili akuzohet për trafik ndërkombëtar të lëndëve narkotike në Greqi e po ashtu edhe me vendet e BE-
së.
