Një aeroplan ka fluturuar shumë ulët mbi Manhattan, duke ngjallur frikë te banorët e New Yorkut.
Fantazmat e 11 shtatorit 2001 janë kthyer në kujtesë, por në fund nuk ka pasur asgjë për t’u alarmuar.
Një zëdhënës i Agjencisë Federale të Transportit Ajror, FAA, ka shpjeguar se avioni C-130 ishte i autorizuar për të lëvizur mbi New York, për një manovër ushtarake.
Janë ngritur pikëpyetje mbi faktin që policia nuk është njoftuar për këtë operacion. Sipas NBC, mjeti po kryente një mision të kërkuar nga Shërbimi Sekret, për sigurinë e presidentit të SHBA.
Stacionet televizive amerikane sqaruan që operacioni ka dashur të filmojë një hartë ajrore, përreth zonës ku ndodhet Trump Tower, rezidenca private e Donald Trump në Fifth Avenue në Midtown.
A video of the plane that's been circling Manhattan pic.twitter.com/Bsj5ANEeW1
— Alp Ozcelik (@alplicable) December 13, 2016
