Partizani ka arritur të fitojë me rezultatin 1-0 në miqësoren e zhvilluar kundër skuadrës së Shkupit. Prej disa ditësh, të kuqtë ndodhen në Ohër ku po zhvillojnë fazën përgatitore për ndeshjet e Conference League.
Goli është shënuar nga Esat Mala, që në minutën e 20-të zhbllokon dhe vulos këtë sfidë. Ky takim i ka shërbyer Ilir Dajës për të parë gjendjen e futbollistëve që ka në dispozicion.
“Eshtë mbyllur me fitoren e të kuqve ndeshja miqësore e luajtur sot pasdite në stadiumin e Ohrit. Goli i shënuar nga Esat Mala në minutën e 20′ ka vulosur edhe shifrat e këtij takimi. Ky ishte testi i parë miqësor në kuadër të përgatitjeve që skuadra po zhvillon në Ohër”, shkruhej në njoftimin e klubit të kuq.
