Policia italiane ka arrestuar një çift emigrantësh, ai shqiptar dhe ajo moldave, pasi u kapën me 51 kg marijuanë.
Mediat italiane raportojnë raporton se bëhet fjalë për shqiptarin Elvin Cakoni, 32 vjeç dhe të dashurën e tij moldave, Julia Lesku, 31 vjeç, ndërsa të dy jetonin në Monza të Italisë.
Ata u arrestuan në një rrugë, mes Peschiera-s dhe Veronës, pasi në bagazhin e mjetit të tyre kishin fshehur dy çanta me drogë.
Sipas hetuesve të çështjes, dyshohet se droga ishte menduar të shitej në Scala, ndërsa vlera e lëndës narkotike mendohet se shkonte 80 mijë euro.
