Maqedonia e Veriut është thuajse e eliminuar nga Kampionatit Europian, teksa u mundën me rezultatin 2-1 ndaj Ukrainës.
Pas dy ndeshjeve dhe asnjë pike të grumbulluar, fqinjët tanë do të luajnë me shumë mundësi ndeshjen e tretë vetëm për statistikë.
Maqedonia pëson gol që në fillim në pjesën e parë me dy gola të shpejtë nga Yarmolenko në 29’ dheYaremchuk në 34’, ata që shënuan edhe ndaj Holandës, duke mbyllur praktikisht ndeshjen dhe duke i dhënë një goditje kundërshtarit.
Në pjesën e dytë, Maqedonia shton presionin dhe krijon disa raste për të shkurtuar diferencën që e arrin në 57’ me golin e parë shqiptar nga Ezgjan Alioski i cili humbet penalltinë por aty me topin e kthyer gjuan dhe sshënon.
Ukraina zgjohet për t’u mbrojtur më mirë teksa në 84’ ka mundësi për të mbyllur ndeshjen me një penallti nga Malinovski të cilën e pret portieri Dimitrieski.
Përfundimisht 2-1, rezultat ky që i jep shanse Ukrainës për të ecur më tej e ballkanasit janë me një këmbë jashtë Europianit.
