Pescara nuk ka plan të largojë Rey Manajn, por nëse ky i fundit bën ndonjë propozim konkret në janar, klubi është i gatshëm të dëgjojë alternativat që i vihen para në tavolinë.
Ky konfirmim vjen nga presidenti i klubit italian, Daniele Sebastiani, i cili për “FcInterNews.it”, fillimisht ka treguar se problemet mes sulmuesit dhe trajnerit Oddo i përkasin të kaluarës.
“Them se po, për ne nuk ka asnjë lloj problemi. Gjithçka mori fund, edhe për faktin se Rei është një djalosh, vetëm 19 vjeç dhe nuk mund të ndëshkosh ashpërsisht një djalosh kaq të ri. Ajo që ndodhi javë më parë ka kaluar, shohim përpara”, tha Sebastiani.
Gjithsesi, Manaj nuk po luan aq rregullisht dhe nga kjo situatë kanë filluar të lindin zëra për një largim të mundshëm të tij drejt një ekipi ku mund të kthehet në titullar të paprekshëm apo për kthim te Interi.
“A do rrijë këtu deri në fund? Për mua po, por pastaj nëse ai do të na propozojë ndonjë lloj tjetër kërkese, si për shembull të largohet për të luajtur më shumë, do të shohim”.
