“Militant radikal”, e ka cilësuar ministrja e Shtetit për Marrdhëniet me Parlamentin, Elisa Spiropali, Presidentin Ilir Meta.
Në emisionin “Open”, Spiropali e bëri fakt të kryer shkarkimin e Ilir Metës nga posti i Presidentit, ndërsa theksoi se “Presidenti i ri do të jetë një figurë konsensuale”.
Spiropali u shfaq kontradiktore në deklaratat e saj, kur në fillim tha se shpresonte që zgjedhja e Presidentit të ri të zgjidhej me konsensus, ndërsa me pas u shpreh se “përballë nesh është një parti ose disa parti që nuk shikojnë përpara”.
Gazetari Enton Abilekaj u shpreh se “nëse opozita do të pranonte propozimin e Rilindjes për të marrë Presidentin, atëherë ajo është në xhepin e Edi Ramës dhe ne duhet të mendojmë seriozisht për një opozitë e re”.
“Në Shqipëri kemi pushtimin dhe pushtetin e një njeriu, i cili nuk konsultohet për asgjë. Ka që nga 2013 që Edi Rama nuk konsultohet me askënd”, tha Abilekaj.
