Kryeministri Edi Rama gjatë vizitës së tij në Francë duket se ka zhvilluar një vizitë në shtëpinë e presidentin Nicolas Sarkozy.
Rama përmes një postimi në rrjetin social shkruan se ka shkuar dhe takuar në shtëpinë e tij në Paris Sarkozy.
Ndër të tjera në postimin e tij ai thekson se është privilegj që të konsultohet me të për sfidat e Shqipërisë dhe të gjithë rajonit në BE.
“Me një mik special në shtëpinë e tij në Paris, presidentin Nicolas Sarkozy, me të cilin kam privilegjin të këshillohem për sfidat e Shqipërisë dhe rajonit tonë, në rrugën e zhvillimit ekonomik e social, e të integrimit europian🇪🇺”, shkruan Rama.
Ish-Presidenti i Francës, Nicolas Sarkozy, po përballet me një proces gjyqësor i akuzuar për financim të paligjshëm të fushatës së pasuksesshme për t’u rizgjedhur president në 2012.
Ish-udhëheqësi francez është në bankën e të akuzuarve me 13 bashkëpunëtorë dhe kolegë të tjerë në atë që njihet si çështja “Bygmalion”.
Gjyqi filloi tre javë më parë, por Sarkozy, i cili ishte President nga viti 2007 deri në 2012, nuk ishte i pranishëm në hapje.
Ai akuzohet për krijimin e një skeme të rreme faturimi që lejonte shpenzime masive mbi kufijtë ligjorë të fushatës.
Kjo skemë dyshohet se financonte mitingje ekstravagante politike me mijëra mbështetës që tundnin flamurin në të cilin Sarkozy ishte “showman” me grupe të muzikë që u transmetua në ekrane gjigante.
Sarkozy, 66 vjeç, dhe ekipi i tij akuzohen se kanë shpenzuar para pothuajse dy herë mbi kufirin ligjor prej 22,5 milionë eurosh (19.4 milionë) për fushatën presidenciale kundër socialistit François Hollande.
