Një aksident rrugor me pasojë plagosjen rëndë të një shofereje 26-vjeçare ka ndodhur mbrëmjen e sotme në Vlorës.
Sipas bluve të qytetit bregdetar, në hyrje të qytetit pranë vendit të quajtur “Pusi i Mezinit”, automjeti tip “Nisan”, me targë AA 879 J X, me drejtuese shtetasen J.L., 26 vjeçe, banuese në Vlorë, është përplasur me një mjet tjetër makinë “Nisan”, me targë AA 294 MZ, me drejtues shtetasin Xh. Sh., rreth 45 vjeç, banues në Vlorë.
Për pasojë është dëmtuar rëndë 26 vjeçarja J.L, e cila ndodhet në Spitalin e Vlorës. Policia ka shoqëruar drejtuesin e mjetin tjetër të përfshirë në këtë përplasje, shtetasin Xh. Sh., me qëllim sqarimin e rrethanave të aksidentit.
Grupi hetimor ndodhet në vendngjarje dhe po punon për zbulimin e shkaqeve të këtij aksidenti.
