Franca e mbyll në avantazh 1-0 pjesën e parë ndaj Gjermanisë, takim ky i vlefshmëm për Grupin F të Kampionatit Europian.
Momenti vendimtar ka qenë ai i minutës së 20-të, aty ku Mats Hummels shkakton një autogol fatkeq. Mbrojtësi i Borussia Dortmund i ndodhur nën presion pas topit të harkuar nga Hernandez devijon topin drejt portës së mbrojtur nga Manuel Neuer.
Një 45 minutësh i parë i ekuilibruar nga skuadrat, ku rastet për gola të tjerë nuk kanë munguar. Gjermanët shpërdoruan një mundësi të mirë me Gundugan. Mesfushori nuk koordinohet siç duhet brenda zonës teksa tentativa e tij shkon jashtë kuadratit.
Tjetër rast i mirë për skuadrën e Low ishte ai i minutës së 22-të me protagonist Muller. Tentativa e tij me kokë brenda zonës, shkon jashtë kuadratit së mbrojtur nga Hugo Lloris.
