Persona të armatosur sulmuan disa ekipe për vaksinim kundër poliomelitit në lindje të Afganistanit, ku si pasojë 5 punonjës mbetën të vrarë.
Sipas mediave të huaja, ky është sulmi i dytë i tillë në zonë, në më pak se tre muaj.
Mediat raportojnë se si pasojë e sulmit kanë mbetur të plagosur edhe katër persona të tjerë.
Zëdhënësi i policisë provinciale, Farid Khan, tha se viktimat janë qëlluar në tre lokacione të ndryshme të provincës Nangarhar, brenda dy orësh.
Pavarësisht përballjes me valën e tretë të koronavirusit, Qeveria afgane ka bërë përpjekje të vaksinojë 9.6 milionë fëmijë kundër poliomelitit, me ndihmën e Fondacionit për Fëmijë të Kombeve të Bashkuara – UNICEF.
Në vitin 2020, Afganistani ka raportuar për 54 raste të reja kundër poliomelitit.
