Gazetarja Fjodora Fjora ishte mëngjesin e sotëm e ftuar në studion e “Wake Up” në Top Channel, ku foli në lidhje me mëmësinë. Ajo është nënë e një djali, e gjatë bisedës me dy moderatorët e programit, u shpreh se nuk mendon për një fëmijë të dytë.
“Imagjino kur ti të kesh bërë të dytën, ai do jetë 10. Me 10 vite diferencë moshë. Kjo është një pyetje hipotetike, e cila thotë po sikur të bëj të dytin. Në rastin më të mirë e mendoj, ja e nisa nesër, e zëmë. Se e kam thënë edhe herë të tjera e bëj shaka, se duhet njëherë lënda e parë. E kur të lind do jetë 10 vjeç djali, minimumi. Çfarë diference është të kesh dy fëmijë me kaq diferencë të madhe me njëri-tjetrin. Të hysh në botën e një bebe e ndërkohë ke një adoleshent. Nuk kam besim se do kem guximin, por kurrë mos thuaj kurrë”- tha gazetarja e njohur.
Cili ka qenë një ndër momentet më të vështira me djalin, me konceptet dhe parimet që edhe fëmija duhet të ketë. Ku jeni ndjerë në siklet?
“Unë jam një nënë që duhet ti flasë një çuni, flas te kjo pjesa e edukatës seksuale e cila duhet të nisë. Mendoj se është momenti më i vështirë me të cilin po vështirësohem për të folur.
Duke pasur parasysh se çunave e baballarëve ju vjen më kollaj kjo bisedë mes tyre, mendoj që ky është problemi më i madh për momentin, se si do hy te kjo faza këtu. Por me siguri do i kërkoj ndihmë te vëllai apo dikush që e ka më të lehtë”– tha gazetarja.
