Policia e Vlorës ka arrestuar 2 shtetas, për vepra të ndryshme penale.
Burimet policore bëjnë me dije se kanë arrestuar në flagrancë për veprën penale “Dhuna në familje”, shtetasin Xh. M., 28 vjeç, banues në Sarandë, pasi ka ushtruar dhunë fizike ndaj bashkëshortes së tij.
Gjithashtu njoftohet se është arrestuar në flagrancë shtetasi A. S., 40 vjeç, banues në Vlorë, pasi mbrëmjen e djeshme, në rrugën “Demokracia”, Vlorë, duke drejtuar motomjetin, pa leje drejtimi, ka aksidentuar një shtetas të mitur 5 vjeç, i cili ndodhet në spital jashtë rrezikut për jetën.
Materialet u referuan në Prokurorinë, për veprime të mëtejshme.
