“Partia Demokratike është në situatën më të vështirë që ka qenë ndodnjëherë në të gjithë historinë e saj. Jemi 3 mandate rradhayi në opozitë, gjë që nuk ka ndodhur kurrë më parë. Rrezikojmë të humbasim edhe zgjedhjet e ardhshme, kurdo që të mbahen”, tha Bujar Nishani, kreu i Këshillit Kombëtar të PD, në emisionin “Raw Politics” në Euronews.
Nishani tha se Lulzim Basha është i paaftë për të parandaluar manipulimin zgjedhor, sikundër është i pamundur të fitojë pasi nuk motivon dot shqiptarët.
Ish-Presidenti tha se pas zgjedhjeve të 25 prillit PD duhej të zhvillonte një analizë sipas qarqeve, pasi fenomenet nuk ishin të njëjta në çdo qark.
“Basha kërkoi mbështetjen e demokratëve në 2017 për projektin e tij. Atë mbështetje e mori po ku jemi sot?. Përgjegjësia kryesore politike është e liderit, nuk mund të ketë përgjegjësi kolektive. Basha po e çon partinë në humnerë”, tha Nishani.
Ai paralajmëroi përballje me ligjin për të gjithë drejtuesit e degëve të PD që nuk lejuan zhvillimin e takimeve të takimeve të kandidatëve për zgjedhjet e 13 qershorit.
“E dini ju që demokratët në bazën e partisë janë të diskriminuar, enden dyerve të gjykatave dhe prokurorive, sepse u thirrën nga PD në protesta dhe sot nuk i ndihmon askush?”, tha Nishani.
I pyetur se si shpjegon faktin se kandidatja e mbështetur prej tij dhe grupimit “Për PD”, Edith Harxhi mori më pak se 2 % të votave, Nishani tha se “kandidatja nuk u lejua të zhvillojë takime, degët punuan kundër, nuk njoftonin njerëzit për takimet”.
“Shumica dërrmuese e anëtarëve e bojkotuan procesin, Basha mori 30 % të votave të anëtarëve dhe mund të themi se ai është lider i minorancës”, tha Nishani.
