Një 20-vjeçar shqiptar u arrestua nga policia italiane me akuzën e trafikut të drogës. I riu tentoi të largohej, ndërsa hodhi një qese me rreth 1 kg kokainë, në një kosh mbeturinash, por u kap nga karabinierët.
Ngjarja ndodhi në Milano, pasditen e së shtunës, kur i riu që kishte me vete 1 kg kokainë u përball me një patrullë policie.
Karabinierët vendosën të mbajnë nën kontroll 20-vjeçarin, pasi ai nisi të bënte lëvizje të dyshimta. Në momentin që u përball me patrullën, i riu tentoi të largohej me vrap, duke hedhur qesen në një kosh, ndërsa u neutralizua disa qindra metra nga karabinierët që po e ndiqnin.
