Kapiteni i Zvicrës Granit Xhaka nga Bakuja, ku nga ora 15:00 do të startojë ndeshja Uells-Zvicër, e vlefshme për grupin A të “Euro2020”, ka theksuar se Zvicra ka kualitete të dhe ata duhet të ëndërrojnë për të marrë rezultatet e mira në fushë.
“Kam një ndjenjë të mirë për këtë kampionat, mendoj që jemi një skuadër e kompozuar dhe jemi përgatitur mirë për ndeshjen e nesërme ndaj Uellsit, andaj kemi pritje të mëdha. Unë besoj te kjo skuadër dhe jo vetëm do të flasim, por do të dalim në fushë dhe hap pas hapi dhe të shohim se ku do përfundojmë”, tha Xhaka.
“Këtë herë mund t’ia dalim, mendoj që çdo kush që më njeh mua e di, ne duhet të ëndërrojmë, sepse kemi kualitet të shkojmë shumë larg. Duhet të fokusohemi dhe të zhvillojmë paraqitje të mira, uellsianët kanë kualitet, kanë lojtarë që luajnë në skuadra të mëdha, por ne kërkojmë fitoren ndaj tyre”, shtoi kapiteni.
