Ndoshta koha kur stadiumet ishin pa spektatorë për shkak të pandemisë ka marrë fund. Madje, “Telegraph” shkruan se qeveria britanike pritet të marrë vendimin për ndeshjet e Europianit në Wembley, nga faza e çerekfinaleve, të zhvillohen me 45 mijë spektatorë.
Një shifër kjo që do të rikthente emocionet e munguara prej më shumë se një viti. Megjithatë, mediat britanike shkruajnë se edhe në fazën e grupeve të Europianit ndeshjet në Wembley do të zhvillohet me një kapacitet prej 22500 tifozësh.
Për këtë, qeveria britanike do të bëjë një përjashtim krahasuar me eventet e tjera, kur kufizimet aktuale nuk i lejojnë grumbullimet me një kapacitet të tillë.
Më 21 qershor, pritet që Anglia të heqë kufizimet, por edhe nëse kjo nuk do të ndodhë, sërish tifozët do të lejohen në ndeshjet e Kampionatit Europian.
