Epidemiologu i njohur, Ilir Alimehmeti, në një postim në rrjetet sociale shprehet se bazuar te një studim i fundit në SHBA, individët që kanë pësuar infektim simptomatik nga SARS-CoV-2, të konfirmuar nga një laborator i besueshëm nuk kanë gjasa të përfitojnë nga vaksinimi kundër COVID-19, dhe vaksinat mund të prioritizohen në mënyrë të sigurt për t’u përdorur te ata që nuk janë infektuar më parë.
Sipas tij, bazuar edhe në studimin e realizuar në SHBA, vaksinimet te personat që më parë kishin kaluar Sars-Cov-2, duke shfaqur simptoma, nuk kanë luajtur asnjë rol.
“Vaksinimet u kryen mbi:
1.359 (53%) e personave që e kishin kaluar sëmundjen, dhe
22.777 (41%) e personave që nuk ishin infektuar.
Gjetjet kryesore:
Nuk u infektua asnjë person i infektuar më parë, qoftë i vaksinuar apo i pavaksinuar.
U infektuan 2.139 persona të painfektuar më parë dhe të pavaksinuar (99.3%).
U infektuan 15 persona të painfektuar më parë dhe të vaksinuar (0.7%).
Efektiviteti i vaksinimit:
Ndër të infektuarit më parë, vaksinimi nuk luajti asnjë rol.
Ndër të painfektuarit më parë, vaksinimi pati një efektivitet 96.9%”, shkruan Alimehmeti.
Postimi nga Ilir Alimehmeti
“Forcat natyrore brenda nesh janë shëruesit e vërtetë të sëmundjes.” Cit.: Hipokrati.
Të vërtetat herët a vonë dalin gjithmonë në shesh miqtë e mi! Na duhet vetëm të jemi të durueshëm e të presim kohën e duhur! Kështu ndodh edhe për diskutimin nëse nevojitet apo jo vaksinimi i personave që tashmë e kanë kaluar në mënyrë natyrore infeksionin e COVID-19.
Një studim shumë i detajuar dhe me metodologji robuste u krye nga Departamenti i Sëmundjeve Infektive të Qendrës Spitalore të Cleveland, Ohio – SHBA, e cila është një qendër madhore spitalore me mbi 52.000 të punësuar.
Hulumtuesit studiuan në detaj:
TË GJITHË PERSONELIN SPITALOR (52.238 persona), nga të cilët
2.579 persona e kishin kaluar infeksionin në mënyrë natyrore, dhe
49.659 persona nuk ishin infektuar.
Vaksinimet u kryen mbi:
1.359 (53%) e personave që e kishin kaluar sëmundjen, dhe
22.777 (41%) e personave që nuk ishin infektuar.
Gjetjet kryesore:
Nuk u infektua asnjë person i infektuar më parë, qoftë i vaksinuar apo i pavaksinuar.
U infektuan 2.139 persona të painfektuar më parë dhe të pavaksinuar (99.3%).
U infektuan 15 persona të painfektuar më parë dhe të vaksinuar (0.7%).
Efektiviteti i vaksinimit:
Ndër të infektuarit më parë, vaksinimi nuk luajti asnjë rol.
Ndër të painfektuarit më parë, vaksinimi pati një efektivitet 96.9%.
Autorët diskutojnë se:
Është e arsyeshme të pritet që imuniteti i fituar nga infektimi natyror ofron mbrojtje efektive kundër infektimeve të ardhshme me SARS-CoV-2.
Në vetvete, pasiguria mbi kohëzgjatjen e imunitetit mbrojtës të ofruar nga infektimi natyror nuk është argument i vlefshëm për vaksinimin e personave të infektuar më parë.
Ky studim ofron evidencë të drejtpërdrejtë se vaksinimi me vaksinat më të mira në treg VAKSINIMI ME VAKSINAT MË TË MIRA TREG NUK OFRON MBROJTJE SHTESË PËR PERSONAT E INFEKTUAR MË PARË.
Përfundimi i autorëve:
Individët që kanë pësuar infektim simptomatik nga SARS-CoV-2 të konfirmuar nga një laborator i besueshëm nuk kanë gjasa të përfitojnë nga vaksinimi kundër COVID-19, dhe
Vaksinat mund të prioritizohen në mënyrë të sigurt për t’u përdorur nga kush nuk është infektuar më parë” shkruan mjeku.
