Një aksident automobilistik me pasojë vdekjen ndodhi pasditen e djeshme, 9 qershor në Sukth, Durrës.
Një shofer 20-vjeçar përplasi me makinë një 72-vjeçare, e cila si pasojë ndërroi jetë.
Policia njofton se në vijim të punës hetimore ka bërë arrestimin e 20-vjeçarit, A.A banues në Sukth, Durrës.
Ky shtetas duke drejtuar mjetin tip “BMW”, ka aksidentuar shtetasen M. L., 72 vjeçe, e cila për pasojë ndërroi jetë.
Materialet i kaluan Prokurorisë së Rrethit Gjyqësor Durrës, për veprime të mëtejshme.
