Prej pak ditësh, ish kreu i Partisë Socialiste ne degën e Greqisë, Spiro Janaqi, është larguar nga partia për t’iu bashkuar partisë së drejtuar nga Vangjel Dule, PBDNJ-së.
Ka qenë vetë Janaqi që ka bërë të ditur lajmin, ndërkohë që prej kohësh ai ka qenë pjesë e strukturave drejtuese të PS-së. Edhe pse më herët Janaqi është ankuar se është shkarkuar pa të drejtë nga drejtimi i degës së PS-së në Greqi, ai ka qëndruar formalisht në parti, deri sa pak ditë më parë është regjistruar në partinë e Dules. Mesa duket partia e PBDNJ-së, është streha e të larguarve nga PS-ja, edhe së fundmi mes dy drejtuesve të këtyre partive ka patur qëndrime të kundërta rreth zhvillime të brendshme në Shqipëri.
