Kryeministri, Edi Rama në daljen e tij të përjavshme në Facebook e ka fokusuar komunikimin edhe tek deklarata e një javë më parë që shkaktoi debat, kur tha se ai është i pari që nuk është i kënaqur me punën e bërë deri tani nga qeveria.
“Disa u hodhën përpjetë dhe e komentuan shprehjen time të pakënaqësisë ndaj qeverisë si dobësi apo më keq akoma si dorëzim. Por në fakt e kundërta është e vërtetë. Unë kam qenë dhe do të mbetem deri ditën e fundit në këtë zyrë, i pa kënaqur me veten dhe qeverinë që drejtoj. Sepse pavarësisht arritjeve në raport me atë pikë të halli ku u nisëm tre vjet më parë, pika ku dua dhe mund të mbërrijmë së bashku është ende larg”, u shpreh Rama.
