U luajtën ndeshjet e javës së 19-të të Kategorisë së Parë, që shënojnë edhe fillimin e fazës së tretë dhe të fundit të këtij kampionati.
Asgjë e re, sa i takon kryesimit të dy grupeve. Kastrioti mban kreun në Grupin A, ndërsa atë të Grupit B nuk e lëshon Luftëtari.
Të dyja skuadrat në fjalë kanë marrë fitore deri diku të vuajtura, megjithatë rëndësi kanë 3 pikët në këtë “stacion” të garës. Edhe ndjekësit e kryesuesve, në të dyja grupet, nuk kanë falur. Besëlidhja ka bërë “poker” ndaj Adës, ndërsa dibranët i janë falur golit të Gurit nga pika e penalltisë dhe Begajt “in extremis”. Luftëtari-Elbasani 1-0, skuadrat takohen para ndeshjes Në grupin e jugut kanë fituar ndjekësit e gjirokastritëve, Apolonia dhe Pogradeci, me rezultatet respektive 2-1 dhe 3-0.
Nuk “tunden” nga vendi i fundit Mamurrasi në Grupin A dhe Elbasani në Gripun B, duke qenë maksimalisht të rrezikuar të luajnë një kategori më poshtë sezonin e ardhshëm. Vlen të përmendet fakti se në stolin e bluzinjve gjirokastritë ka debutuar trajneri Gerti Haxhiu, që do të tentojë ta ruajë vendin e parë dhe ta ngjisë Lufëtarin në Superiore. Ndeshjet e tjera nuk kanë dhuruar shumë surpriza, ndërkohë që rezultatet e plota janë si më poshtë:
Kategoria e Parë, java e 19-të Grupi A
KASTRIOTI – MAMURRASI 2-0 Golat: Rraboshta 55’, Alikaj 80’
BESËLIDHJA – ADA 4-0 Golat: Bajiç 13’, 30’, Xhokoviç 14, Hajdari 42’
KORABI – ILIRIA 2-0 Golat: Guri 75’ (pen), Begaj 90′
ERZENI – BURRELI 3-1 Golat: Rezi 29’, 74’, Goxhaj 54’ / Kola 65’
KAMZA – BESA 1-0 Golat: Gjonaj 40’ Grupi B
LUFTËTARI – ELBASANI 1-0 Golat: Rroca 50’
APOLONIA – TURBINA 2-1 Golat: Rajkoviç 20’, Dimo 74’ (pen) / Roshi 90′
POGRADECI – BUTRINTI 3-0 Golat: Jahaj 16’, Liçkollari 27’, Manellari 89′
LUSHNJA – DINAMO 1-2 Golat: Çela 55’ / Turdiu 39’, Kolgega 49’ SOPOTI – SHKUMBINI 0-0
