Një ngjarje e rëndë është regjistruar ditën e djeshme në qytetin e Hanoverit në Gjermani, ku një shqiptar nga Kosova u vra pas një sherri në një semafor.
Mediat gjermane bëjnë me dije se shqiptari po drejtonte mjetin tip Porsche kur u përplas verbalisht me drejtuesin e një mjeti luksoz Mercedes.
Raportohet se pas sherrit kërciti arma, e si pasojë ka humbur jetën shtetasi shqiptar, Armin N.
Gjermania është duke kërkuar vrasësin e Hanoverit, ndërsa mësohet se forcat speciale SEK kanë mbërritur në këtë rajon dhe kanë hyrë në apartament, por nuk e kanë kapur vrasësin e dyshuar.
Sipas gazetës gjermane BILD, shqiptari i ekzekutuar ishte dyshuar për një vrasje në vitin 2017. Ai mendohet se ka vrarë një maqedonas pas një sherri për një grua.
