Ish-kryeministri Sali Berisha ka përcjellë një denoncim lidhur me KQZ, për të cilin thotë se nuk ka paguar komisionarët e 25 Prillit.
“Narkoshteti pasi përdhosi votën e shqiptareve nuk paguan komisionerët”, shkruan Berisha, i cili më tej publikon mesazhin për të cilin thotë se ka ardhur në adresë të tij.
Nw mesazh denoncohet mos pagesa nga ana e KQZ lidhur me ekipin që ishte pjesë e zgjedhjeve parlamentare.
“Përshëndetje Doktor!
Të lutem bëjë një denoncim në faqen tënde në lidhje me mospagimin nga ana e KQZ të komisionerëve, operatorëve, numëruesve dhe KZAZ, për pagesën e trajnuesve nuk jam e interesuar se nuk është se u angazhuan shumë (KZAZ e trajnoj veç një ditë ku na lexoi manualin të cilën e lexonim dhe vetë dhe iku, ndërsa numëruesit i trajnoi veç 10 min përpara se të niste numërimi dhe ikën, nga ku numëruesit më shumë u konfuzuan sesa u sqaruan, të falenderojmë anëtarët e KZAZ që kishin eksperiencë në zgjedhje dhe ndihmuan ekipin). Çmimet se sa duhet të paguhen stafi janë ofenduese dhe shumë të ulët në krahasim me më parë, nga ku shteti merr 15% tatim. p.s I kemi kontaktuar KQZ, të cilët justifikohen që vonesa ka ardhur për shkak se nuk gjenin vendimet e KZAZ e turpshme, shteti po na vjedh çdo ditë dhe do vazhdoj të na vjedhë edhe për 4 vitet të tjera”, lexohet në mesazh.
