Një aksident raportohet të ketë ndodhur mesditën e sotme në aksin rrugor Lushnjë-Berat, në afërsi të fshatit Barbullinjë.
Mësohet se ngjarja ka ndodhur rreth orës 10:40, ku shtetasi I. A., 48 vjeç, banues në Berat, duke drejtuar automjetin tip “Benz” ka aksidentuar shtetasin F. Gj., 68 vjeç, banues në Fier-Shegan, i cili ishte duke udhëtuar me biçikletë, ndërsa mësohet se ky i fundit ndodhet në spitalin e Lushnjës nën kujdesin e mjekëve.
Burimet bëjnë me dije se është shoqëruar drejtuesi i automjetit dhe po kryhen veprimet për zbardhjen e plotë të rrethanave të aksidentit.
