Detaje të reja kanë dalë nga vrasja e 35-vjeçarit nga Vlora. Mësohet se viktima, Shkëlzen Velaj ka vënë re se pranë pallatit ka qenë duke u ndjekur nga një makinë e dyshimtë.
Dyshohet se pas kësaj, ai e ka lënë makinën e tij ndezur dhe ka ikur me vrap për t’u futur në banesë, në katin e 5 të pallatit. Ka qenë duke hapur derën atentatori ka lëshuar breshëri plumbash në drejtim të tij.
Mësohet se në makinën e cila është braktisur dhe më pas është djegur nga autorët, është gjetur një armë kallashnikov që dyshohet të jetë arma e krimit.
Në trupin e Velaj është lëshuar një karikator automatiku. Sipas policisë ,35 vjeçari ka ndërruar jetën në spital. Autorët që e kanë qëlluar dyshohet se kanë qenë 2.
Ndërkohë, policia ende nuk ka arritur të bëjë të mundur zbardhjen e kamerave të sigurisë së katit të 5 ku banonte viktima.
