Matthew Perry dhe e fejuara e tij, Molly Hurwitz, i kanë dhënë fund lidhjes së tyre. Ylli i “Friends”, 51 vjeç, konfirmoi lajmin për revistën People.
“Ndonjëherë gjërat thjesht nuk funksionojnë dhe kjo është njëra prej tyre”, tha ai në një deklaratë. “I uroj Mollyt më të mirën”.
Aktori dhe Hurwithz, 29 vjeçe, filluan lidhjen në 2018 dhe u fejuan në nëntor të vitit 2020.
Lajmi i ndarjes vjen vetëm disa ditë pas publikimit të “Friends”, ribashkimit special të tyre. Matthew u bashkua me ish-yjet e kastit si: Jennifer Aniston , Courteney Cox , Lisa Kudrow, Matt LeBlanc dhe David Schwimmer.
“Friends: The Reunion” është titulli i episodit të veçantë që sipas The Hollywood Reporter, është realizuar me regji të Ben Winston.
